Proxectos para enerxías renovables térmicas

O Concello ven de rematar a instalación de dous sistemas de calefacción mediante caldeira de pellets no centro cultural Castrelo.Info / Casa do Maior de Paradela e na Vivenda Comunitaria, instalación cofinanciadas mediante axudas da Unión Europea a través do Fondo Europeo de Desenvolvemento Rexional (Feder).

O concello de Castrelo de Miño obtivo unha subvención do INSTITUTO ENERXÉTICO DE GALICIA (INEGA) da CONSELLERÍA DE ECONOMÍA, EMPREGO E INDUSTRIA, por importe de 8.228,00 euros no caso do Castrelo.Info e de 9.680,00 euros na Vivenda Comunitaria dentro da liña de axudas para proxectos de enerxías renovables térmicas cofinanciada co Fondo Europeo de Desenvolvemento Rexional (Feder) no marco operativo Feder ? Galicia 2014-2020.

As instalación realizadas suporán un considerable aforro enerxético que sabemos que será ben aproveitado polos usuarios e usuarias tanto do  Castrelo.Info / Casa do Maior de Paradela como da Vivenda Comunitaria, con unha importante mellora no confort destes centros.